De Boer hna a harsat belh

Amsterdam Arena-ah zanin dar 1:15 hian Netherlands-in Spain an mikhual dawn. Frank de Boer-a'n an ram a la chak pui loh avangin friendly match ni mah se La Roja hneh hi a pawimawh ang. 

Oranje hian De Boer-a hnuaia an match hmasa berah Mexico chu friendly match-ah an hneh lo a, Bosnia & Herzegovina leh Italy te nen an inhnehtawk. 

De Boer hna harsat belh turin player pawi-mawh Jasper Cillessen, Matthijs de Ligt, Virgil van Dijk leh Steven Bergwijn te a chhawr thei dawn lo. Captain Van Dijk awm lo hi Oranje tan channa nasa tak a ni ang.

Lyon forward Mem-phis Depay chuan, "A tirah kha chuan dik lohna ka hmu lo a, a hnua ka ennawn leh kha chuan ka en laia ka ṭawngkam hman media hmaah sawi chhuah chi a ni lo," tiin Jordan Pickford-a'n Van Dijk a hliam danah a lungawi loh thu a sawi.