Naktuk aṭangin MHIP Football

Mizoram Football Association leh Mizoram Hmeichhe Insuihkhawm Pawl (MHIP) in a buatsaih tur, GIG Motors All Mizoram Inter Branch MHIP Football Tournament chu naktuk aṭangin Lammualah khelh ṭan a ni dawn.

Inelnaah hian branch hrang hrang 37 an tel dawn a, Salem leh Chaltlang Lily Veng ten chawhma dar 10:00-ah match hmasa ber an khel ang.

Semifinal hma zawng hi minute 60 (30+10+30) a khelh tur a ni a, semifinal aṭangin minute 70 a khelh a ni ang.

MHIP Football tournament-ah hian champion-in Rs. 50,000 an dawng dawn a, pahnihnain Rs. 30,000 an dawng ang a, fairplay lawmman atan Rs. 15,000 dah a ni. Semifinalist ten Rs. 15,000 ve ve an dawng ang a, quarterfinal thleng chinten Rs 10,000 ṭheuh an dawng ang a, tournament a tel hrim hrim ten Rs. 2,000 ṭheuh an dawng dawn bawk a ni.