MFA Futsal Cup-ah Paul FC an champion

Mizoram Football Association leh Chanmari Branch KṬP ṭangkawpin an buatsaih MFA Futsal Cup-ah Kulikawn club Paul FC an champion.

May 18, Zirtawpni zan khan Lammualah Serchhip club Zipor FC leh Paul FC ten final an khel a, hun pangngaiah 7-7 in an inhnehtawk. Extra time-ah tawnhriat player tamna Paul FC-in goal hnih khung belhin 9-8 in hnehna an chang.

Serchhip club hian Mizo zinga FIFA World Cup Under 17 khel hmasa ber leh awm chhun Lalengmawia an kawl a, Vaivakawn rawlthar Apuia hian final-ah goal li khungin Zipor FC hnehna chanpui lo mah se best player atana thlan a ni.

Paul FC tan Ramfang-zauva'n goal hmahruai a khung hnuah F. Lalrinpuia'n goal nga a khung a, V. Lalchhuanawma'n hattrick a siam bawk.

Paul FC hian hian Division I season ending tournament-ah nomawi an chawi a, MFA hnuaia inelna pahnih champion chungin season an khar.