Domestic treble champion Celtic

Scottish football-a a vawi khat nan Celtic chu domestic treble a zawna champion thei hmasa ber an ni - Celtic rorelna ṭhiah sak tura Rangers-in coach atana an lak thar Steven Ger­rard hna a hautak dawn.

Celtic hian Inrinni zan khan Scottish Cup-ah Motherwell chu 2-0 in an hneh a, Callum McGre­gor leh Olivier Ntcham ten goal an khung - Indian goalkeeper Dheeraj Singh-a'n trial a neih mekna Motherwell FC-in a chhanletna tur an nei lo.

Brendan Rodgers enkawlna hnuaia khel Celtic hian Scottish Cup hma hian League Cup leh Scottish Premiership nomawi an lo chawi tawh.

Liverpool boss hlui Rodgers chuan, "Nomawi pathum chawi tumin season bul kan ṭan a, sea­son tharah chuan a harsa lehzual tawh ang," a ti.

Steven Gerrard-a'n Rangers a zawm avangin season thar atan Scottish football-in ngaihven a hlawh lehzual a, Liver­pool-a thawkdun ṭhin Rodgers leh Gerrard inel tur hi khawvelin a hmu chak.