Messi hnenah European Golden Shoe

Barcelona forward Lionel Messi-a'n player ropui bik a nihzia a pholang nawn leh ta a, a vawi nga nan European Golden Shoe hlan a ni. Messi hi vawi nga he chawimawina dawng hmasa ber a ni.

European Golden Shoe hi Europe-a mahni league-a goal khung hnem ber hnenah hlan a ni ṭhin a, an league inelna san dan a zirin goal khatin point a put dan a inang lo.

Entirnan, Benfica forward Jonas Oliveira chuan league-ah goal 34 ngawt khung ve tho mah se La Liga leh Primeira Liga a inthlau a, goal 34 ve ve khungah Messi pakhatna a nih laiin Jonas erawh pakuana a ni chauh thung.

Kum 30 mi Messi hian Barca tan league match 36-ah goal 34 a khung a, Argentine forward hnaih bertu chu Liverpool player chhuanvawr Mohamed Salah a ni.