Champhaiah Basketball Elite League ; Zaninah Tip off neih a ni dawn

Champhai District Basketball chuan league puitling hmasa ber CDBBA Samsung St. Mary's Elite League 2018 chu May 23, 2018 aṭangin Vanlallawma Basketball Indoor Stadium, Champhai Kahrawt Vengah khelh ṭan a ni dawn. Zanin dar 8:00 hian Vengsang YMA Hall-ah a khuhhawnna 'Tip Off' chu neih a ni dawn a, MBBA president Malsawmtluanga chu khuallian a ni ang a, Miss Mizoram Ramthanmawii chu khual zahawm a ni ang.

Tip Off-ah hian CDBBA president thi ta C. Vanlalnghaka hriatrengna hun hman a ni bawk dawn. Inelnaah hian club panga Kahrawtians Basketball Club, Boars Vengsang, Minikins Basketball Club, Tribal Sonics leh Freadys Memorial BC te an inlan dawn. Champion team hian pawisa fai Rs 50000 an dawng ang a, pahnihnain Rs. 20,000, pathumnain Rs 10,000, palinain Rs 7,000/- leh panganain Rs 5000 an dawng bawk ang.