Netherlands an champion

Football thiam ram Netherlands-in Euro 2016 an khelh loh hnuah kumin FIFA World Cup khel turin an inpetling zo lo a, kum bithliah inelnaah erawh result duhawm an hlawh chhuak. Netherlands hian Pathianni khan European Under 17 Championship final-ah Italy nen 2-2 a an inhnehtawk hnuin penalty shootout-ah 4-1 in an chak.

Netherlands hian Jurrien Maduro hmangin minute 46-naah hma an hruai a, Italy-in Samuele Ricci (61') leh Alessio Riccardi (63') hmangin lehthal mah se Oranje-in Brian Brobbey hmangin minute 74-naah an sut. Penalty shootout-ah Netherlands keeper Joey Koorevaar chuan vawi hnih dangin 4-1 in hnehna an chang.

Oranje coach Kees can Wonderen chuan, "Kan thuruk chu penalty hi kan zir nasa a, kan pet danah kan chiang a, penalty pet thiam ho kan chhinchhiah tel bawk. Kan player-te huaisenna rah a ni a, nomawi kan chawi hi mumang ang mai a ni," tiin a lawm thu a sawi.

Netherlands hian semifinal-ah inelna thlengtu England chu penalty hmang bawkin an hneh a, Italy an hneh leh takah chuan Spain record nihrualin Under 17 C'ship-ah vawi thum an champion.