MHIP Football-ah goal a lut tam

23rd May, 2018

Mizoram Football Association (MFA) leh Mizo Hmeichhe Insuihkhawm Pawl (MHIP)-in a buatsaih GIG Motors All Mizoram Inter Branch MHIP Football Tournament chu nimin khan Lammualah khelh ṭan a ni a, match liah goal 17 a lut nghal.

Match hmasa berah Salem Vengin 7-0 in Chatlang Lily Veng an hneh a, Salem Veng forward Grace Lalrampari chuan double hattrick a siam. Inkhel dangah Armed Vengin Lengpui hneh turin harsatna an tawk lo a, Vanbawng leh Kolasb-in 4-0 ve vein Bawngkawn leh Lungdai an hneh bawk.

Vawiinah hian inelna neih chhunzawm a ni dawn a, Lammualah match li a awm ang. Inelnaah hian branch hrang hrang 37 an tel a, semifinal hma zawng hi minute 60 (30+10+30) a khelh tur a ni. Champion hian Rs. 50,000 an dawng dawn a, pahnihnain Rs. 30,000 an dawng ang a, fairplay lawmman atan Rs. 15,000 dah a ni bawk.