Spurs khingpui tur Vitesse

Tottenham Hotspur chuan zanin dar 10:15 hian Europa Conference League-ah Dutch club SBV Vitesse an hmachhawn dawn. Spurs hian Premier League match thum a zawna an chak loh hnuah inelna hrang hrangah match thum a zawnin an chak leh tawh a, Harry Kane-a'n goal a khung leh ṭan avangin UEFA hnuaia inelna tharah hian champion rinkai an ni pha hial ang.

England captain Kane chuan, "Newcastle lakah khan inkhel kan thunun a, kan inringtawk a, ball kan chang tam a, chance kan insiam a, goal hmaah kan hriam bawk. Goal hmaah la hriam leh hret phei ilang chuan goal nga hial pawh kan khung thei ang," tiin kartawpa Newcastle 3-2 a an hneh chungchang a sawi.

Kum 28 mi Kane a thusawi ang chiah hian Spurs an khel ṭha a, an goal bawh a nat leh tawh avagnin Vitesse khelmual Gelredome-a inkhel tur ni mah se chak tura rinkai zawk an ni tho. Dutch club hian an match hmasa berah Mura 2-0 in hneh mah se match hnihnaah Rennes 2-1 in an hneh lo a, an khelh tawhna thlir chuan Spurs elpha tur an ni lo.