Inngaihtuah tawn ṭheuh ang u - Southgate

England manager Gareth Southgate chuan Euro 2020 sawn theihnghilhin mitin inngaihtuah tawn a ṭul thu a sawi. 

Coronavirus vangin kumina khelh tur European Championship chu nakkumah sawn a ni a, England-in karleh lama Italy leh Denmark nen friendly match an khelh tur chu ṭhulh a ni bawk. Southgate chuan, "Kan ram pumin kan ngaih pawimawh hmasak ber tur chu kan chhungte a ni a, khawtlang puih a pawimawh a, thawhhona ṭha kan mamawh. Kan hun tawnah chuan tun aia hun harsa hi kan la tawng lo," tiin football theihngilh a, hriselna a pawimawh thu a sawi.

England manager Southgate chuan sawi chhunzawmin, "Mahni chauhin kan tuar tur a ni lo. Kan inpuih tawn a ngai. Kan pasalṭhate chu nunna chhan tuma an damdawi ina chhun leh zan pawh sawi loa hnathawkte hi an ni a, mimala fak theih a ni lo. Amaherawhchu an hnathawh hi a ropui a ni," tiin mitin ingaihtuah tawn a ṭul thu a sawi.