Vawiinah MBBA Cup semifinal

Mizoram Basketball Asso­ciation (MBBA) in season ṭan­na atana an hman MBBA Cup chu vawiin hian Hawla Indoor Stadium-ah semifinal khelh a ni dawn a, match hmasa zawk hi tlai dar 5:00-ah khelh a ni ang a, a hnuhnung zawk hi zan dar 7:00-a khelh tur a ni.

Inelnaah hian MSL team paruk bakah MSL aṭanga tla thla pahnih Mission Vengthlang Hollow leh Republic VR4 te telin team pariat an inlan. Vawi hnih ṭheuh an inkhelh kual hnu­in semifinal lut tur a hriat nghal a, ADBBA hnuaia first division club bakah MSL kai thar BC Bethlehem leh Zarkawt Serpents ten knockout stage an thleng pha lo.

Rin lawk ang ngeiin group A aṭangin MSL3 champion Mission Veng Vikings leh MSL4 champion Zarkawt BCA bakah group B aṭangin MSL hmasa pahnih champion Khatla TBL leh MSL ṭantirh aṭanga Mizoram league sang ber la khel char char Tuikual South ten semifinal an lut.

Nizan khan group hma­hruaitu zawnna neih a, heta ṭang hian semi­final-a inhmachhawn tur a hriat ang.