Champions League final ; Liverpool phurna thlentu Europa League final!
May 26 zan a ni ang a, khawvelin Kiev khawpui lam a hawi ang - Liverpool leh Real Madrid ten Champions League final an khel dawn.
Liverpool captain Jordan Henderson chuan Europa League 2016 final a thlir kir a, Sevilla laka 1-3 a an tlawmna inkhel chu vawiina Champions League final an luh theihna chhan a nih thu a sawi!
2016 kha...
Liverpool-in Sevilla an ngam loh hnu lawkah hian manager Jurgen Klopp chuan an thlenna hotel-ah thu a sawi a, Hendo chuan he hun hi thlirkirin, "Hmathlir ropui tak a nei a, final kan khel leh ngei dawna hriatna kha ka nei a ni.
"Kan hma huna thil lo thleng thei zawk chu uluk takin a thlir a, kan tawnhriat aṭanga in zir tur khan min duh a ni," a ti a, Europa League 2016 final an chhawr thu a sawi.
Kan inpeih e
Hendo chuan, "Klopp khan chak lo mah ila kha final kha kan tawnhriat ropui taka hman a duh a, final dang kan thlen leh huna inpeih nan min hmantir a ni.
"Europa League final zawha thu a sawi lai khan final kan luh leh ngei beiseina a nei tih ka hria a, kha zan kha ka hre reng mai. Khami hnuah kha chuan nasa takin hma kan sawn a nih hi," tiin champion theih a inbeisei.