Kan chak thei - Ricciardo
Red Bull driver Daniel Ricciardo chuan Pathianni zana tlan tur French Grand Prix-ah beiseina an neih san thu a sawi a, chumi tur chuan qualifying lama chet fuh hmasak a pawimawh thu a sawi bawk.
Ricciardo chuan 2016 angin pole position a chan leh theih a beisei thu a sawi a, "Kan car hi a chak ber chu kan ti lo a, chutihrualin team dangte elphak turin theihna kan nei. Ṭha takin kan tlan thei ang tih ka chiang a, a hmasa pawla kan thleng lo a nih chuan a mak zawk ang," tiin Monaco-ah hlawhtlinna chan theih a inbeisei sang hle.
Formula 1 champion leh tun season hmahruaitu ni mek Lewis Hamilton pawhin Red Bull tan hmun ṭha a nih zia a hai bik lo. Mercedes driver Hamilton chuan, "Tuna kan tlanna tur hi hmun dang nen a inang lo a, kawng kawi laia kan speed hman ngaih dan tur nena chhut chuan Red Bull hi rinkai an ni," tiin a sawi.
French GP an tlanna tur tlan kawng Circuit Paul Ricard hi kum 1969-a an siam daih tawh kha a ni a, tun dinhmuna tlan kawng thui zawng hi 5.809 km niin, kawng kawi 14 a awm. Tun hnai F1-ah Mercedes cheṭha ber mah se, Monaco bikah chuan Ferrari leh Red Bull te an tluk bik ngai meuh lo a ni.