Cardiff City legend Peter Whittingham a thi

Cardiff City leh Aston Villa tana khel tawh midfielder Peter Whittingham chu nimin khan a thi a, kum 35 mi chauh a ni. 

Whittingham hi Barry, Wales-a zu dawrah a chesual a, a lu tauhin chawlhkar khat aia rei damdawi inah enkawl a ngai, beiseina sang tak nen enkawl mah se nimin khan Cardiff chuan an player hlui thih thu hi 

a puang.

Cardiff City chuan, "Peter Whittingham thih thu sawi a ngai mai hi a pawi kan tiin rilru a na takzet. Football tan channa lian tak a ni a, a nupui Amanda leh a fapa bakah an chhungkua kan tawrhpui," an ti. Whittingham hian a football hun bul chu Villa-ah a ṭan, 2007 khan Cardiff zawnin match 459 a khelh aṭangin goal 98 a khungsak.