NIVIA leh MFA an inrem

Nimin tlai khan Convention Centre, Berawtlangah NIVIA leh MFA ten inremna an ziak a. NIVIA aiawhin managing director Rajesh Kharabanda leh MFA president Lal Thanzara ten hming an ziak.

NIVIA hian Mizoram team thawmhnaw bakah inelnaa hman tur ball an rawn tum ṭhin ang.

Mizo football legend S. Malsawmtluanga'n MPL7 a pet tur NIVIA Antrix a tlangzarh a. NIVIA Antrix hi MPL club pariat leh district FA pariatte hnenah pek vek a ni. Mizo zinga FIFA World Cup Under 17 khel awmchhun Lalengmawia'n (Apuia) futsal a hman tur NIVIA Simbolo a tlangzarh ve bawk.

MFA hi kan tan an a hlu lutuk a, chuvangin anmahni nena inremna ziak tur hian hun chep tak karah ka rawn kal a ni.

Nivia managing director Rajesh Kharabanda chuan, "Football-ah chuan Mizoram hian sulhnu ṭha tak an nei a, India ramin football-a hmasawnna a neih zel theih nan Mizoram hi an pawimawh a. MFA nena thawh dunna kan nei thei hi kan lawm hle a ni.

Mizoram hi hmun mawi tak a ni a, rawn let leh ngei ka duh a, ka rawn kal thei ka vannei. Tourism-ah pawh ṭang zel ru," tiin a sawi.