DFA tiṭha ber Champhai DFA

26th May, 2018

Mizoram Football Association chuan nimin khan Convention Centre, Tourist Complex, Beraw Tlangah Annual General Body Meeting an hmang a, 2017-18 season-a district ṭha ber atan Champhai DFA a thlang.

Champhai DFA aiawhin president Hualrikhuma'n MFA president Lal Thanzara hnen aṭangin Rs 1,00,000 a dawng.

Champhai DFA honorary secretary Lalbulliana chuan, "MFA-in kan hnathawh min hriatpui hi kan lawm a, he lawmman hi CDFA a kan thawhpui te, Zone FA, club hruaitute leh Champhai mipuite nena kan ṭanhona zar a ni a, kan lawm hle a ni tiin Vanglaini a hrilh.

CDFA hian season khat chhungin First Division League, First Division bakah Zone champion leh runner up tan I Day Football, second division tan Republic Day Football leh Vanbawia Memorial, Chief Minister Trophy Inter Village leh Inter Branch MHIP te an buatsaih a.

Football hmasawnna atan Baby League, CDFA Academy Under 17 leh Grassroots football te an buatsaih bawk.