Stan Wawrinka a chak lo

French Open khel tura inbuatsaih mek Stan Wawrinka chu Ningnai zan khan Marton Fucsovics lakah a chak lo a, Swiss tlangval hian Geneva Open nomawi a kawl lai chu a hloh dawn tihna a ni.

Grand Slam vawi thum champion tawh Wawrinka hi a khup hliam dam hlim a ni a, a match hmasa berah khel ṭha viau mah se beisei angin a khel zui ta lo. A khingpui Fucsovics-a service chhuhsak theihna hun ṭha vawi riat a neih zinga vawi khat chiah a ti hlawhtling thei a ni.

Kum 33 mi Wawrinka hi Pathianni aṭanga khelh tur French Open-ah rinkai ni chungin a inlan phak dawn lo. Season hmasa khan Wawrinka hian final a thleng phak a, mahse clay court hmangthiam Rafael Nadal a ngam lo.

Inkhel dangah seeded pahnihna Fabio Fognini chuan inkhel inhneh­tawk takah 7-6 (7-3), 7-6 (7-5) in Tennys Sandgren a hneh a, a kum 31 tlin cham a lawm ṭha hle. Steve Johnson, Peter Gojowczyk leh Andreas Seppi te chu a thiam pali zingah an inhlangkai bawk.