Nadal khingpui tur inhnukdawk

Nizan khan French Open khelh ṭan a ni a, world number 1 Rafael Nadal khingpui tur Alexandr Dolgopolov chu hliam vangin hun tepter tawh takah a inhnukdawk.

Champion lai Nadal hian vawiin tlaiah Simone Bolelli a hmachhawn thung dawn a ni. Bolelli leh Nadal te hi tun hmain vawi nga an inhmachhawn tawh a, Grand Slam vawi 16 champion tawh Nadal hian set khat bak a la hloh ngai lo–tun ṭumah pawh awlsam taka tlang tura ngaih a ni.

Kumin French Open-ah hian hmeichhe player sawi hlawh Serena Williams pawh a inlan ve leh thei dawn dawn. American star hi vawi thum a champion tawhna hmunah seeded a ni phak lo a, vawiin tlaiah world number 1 hlui Karolina Pliskova nen an inkhel ve bawk ang.