LBS Suzuki 21st Inter Branch YMA Volleyball Tournament

29th May, 2018

Tualchhung volleyball inelna ngaihhlut LBS Suzuki 21st Inter Branch YMA Volleyball Tournament chu zanin aṭang hian R. Dengṭhuama Indoor Stadium, Mualpuiah quarterfinal khelh ṭan a ni dawn a, court number 1-ah mipa an khel ang a, court number 2-ah hmeichhe lamin inelna an nei thung ang.

Mizoram Volleyball Association leh CYMA buatsaih LBS Suzuki 21st Inter Branch YMA Volleyball Tournament-ah hian mipa huangah team 57 telin June 5 zanah final khelh tur a ni a, team 19 inlanna hmeichhe huang hi June 2 zanah a hmawr bawkna neih tur a ni.