Super 12-ah Namibia an tling

Namibia-in T20 Cricket World Cup first round paltlang turin Zirtawpni khan Ireland wicket riatin an hneh. Inkhel dangah Sri Lanka-in Netherlands sawp ve bawkin group A aṭangin Lions leh Namibia ten Super 12 an lut.

Sharjah Cricket Stadium-ah Ireland leh Namibia te an inhmachhawn a, heta chak zawk hi Super 12 lut tur an ni. Ireland-in bat hmasak an thlang a, 125/8 runs an siam.

Namibia bat hun a thleng a, captain Gerhard Erasmus-a'n ball 49-ah 53 runs siamin a tawp thlengin a dam a, over 18.3-ah 126/2 runs siamin target an umpha. All rounder David Wiese-a'n thi loin 28 runs a siam a, bowling lamah pawh wicket hnih lain 22 runs chauh a pe a, player of the match-ah an thlang.

Sri Lanka-in over 10 lekah Netherlands 44 runs chauh an siamtir a, over 7.1 lekah 45/2 runs siamin wicket riatin an chak. Lions hian nizan khan Super 12-ah anmahni ang bawka first round khel Bangladesh an hmachhawn a, result kan hre hman lo.