Jeho-a'n silver medal a la

Mizo rawlthar TT khel thiam Jeho Himnakulh-puingheta chuan, UTT National Ranking Table Tennis Championships, 2021(North Zone)-ah silver medal a vaw chhuak. Table Tennis Federation of India-in a category a siam thar Youth Boys Singles (Under 19)-ah bronze medal hi a dawng

Jeho-a hian a match hmasa lamah Surya Teja (Telangana), Ankur Bhattacharjee (West Bengal) leh Adarsh Om Chettri (Delhi) te a hneh a, mahse semifinal-ah Delhi player Payas Jain-a chu 4-1 in a ngam ta lo a ni.

Youth Boys huanga medal a lak avangin Jeho-a hi Youth Boys ranking-ah chuan a sang zual pali zingah a tel phak dawn, men's singles erawh inelna huang dang nen a khelh hun a in an avangin a khel kawp thei ta lo.

Kum bithliah hrang hranga India number 1 ni tawh Jeho-a chuan, "Hripui leng vangin Mizoramah hun rei tak ka awm a, chumi hnuah Pinnacle Table Tennis Academy, Delhi-ah ka chhuak, thla khat chauh training ka nei hman tih in tournamet kan khel," tiin Vanglaini a hrilh.

November thla hian Hungary leh Slovak Republic-ah inelna a awm zui dawn a, tournamnet-ah hian India aiawh turin Jeho-a hi a inlan ang, tunah hian visa buaipui mek a ni; tluang taka visa an peih fel chuan October 30 hian India an chhuahsan ang.