Balotelli-a’n goal a khung

Roberto Mancini-a’n an ram Italy a enkawl hnua a match hmasa berah Saudi Arabia 2-1 in an hneh. Thawhṭan zan friendly match inkelah World Cup khel lo tur Azzurri goal hnih hi striker Mario Balotelli khung a ni.

Manchester City leh Liverpool striker hlui Balotelli-a’n kum li hnuah ram tana kohna a dawng ve leh chiah a, Man City lama amah enkawl tawhtu Mancini beiseina a ti thlawn lo. Saudi Arabia defender hmaah yard 20 a hla aṭangin goal mawi a khung a, second half-ah an goal hnih a khung bawk.

Italy tana match 176 kheltu Gianluigi Buffon a chawlh hnuah Gianluigi Donnarumma-a’n si ban a nghak a, AC Milan keepeer hian Saudi striker Andrea Belotti a pet dang thei lo mah se he goal hian awmzia a nei thui tawh lo thung.

World champion vawi li ni tawh Italy hian Gian Piero Ventura kaihhruaina hnuaiah Russia ticket an pet chhuak zo lo a, Ventura hmunruak luahtu Mancini hnuaiah kum 27 mi Balotelli hian hmun a chang ve leh chiah, ram tan hian 2014 World Cup hnua a vawi khat nan goal a khung ve leh chiah a ni.

Chak lo zawk Saudi Arabia hain World Cup an khel dawn a, an match hmasa ber atan June 14 hian a thlengtu Russia nen an khel ang. Group A-ah Uruguay leh Egypt te nen an intawng zui leh dawn bawk.