Bhutan-ah Mizoram taekwondo team
4th Bhutan Open International Taekwondo Championship chu June 2-4 chhung hian Thimphu, Bhutan-ah khelh tur a ni a, he huna inlan tur hian player 48 awmna Mizoram team an feh chhuak.
Bhutan Open hi World Taekwondo tehna fung aṭanga international inelna hniam ber a ni a, ram pakhat aṭangin team pakhat aia tam tel theihna a ni. India aiawh tur hian Mizoram bakah state hrang hrang aṭangin team an chhuak ang.
Championship-ah hian poomsae leh kyorugi (fight) inelna a awm ang a, category hrang hrang cadet, junior leh senior a ṭhen hran a ni ang. Nikum khan Mizoram team hi poomsae-ah team champion an lo ni tawh - kuminah hian player 33 an tel ang a, Kyorugi inelnaah mi 32 in an khel thung dawn a ni.