LBS Suzuki Inter Branch YMA Volleyball Tournament 2018

Mizoram Volleyball Association leh CYMA te

ṭangkawpin an buatsaih, LBS Suzuki Inter Branch YMA Volleyball Tournament 2018 chu mipa leh hmeichhe semifinal khel tur team a zatve a hriat tawh a, nizan khan quarterfinal thawh hnihna khelh neiin, he thu buatsaih lai hian result kan hre hman lo.

Thawhleh zan R. Dengṭhuama Indoor Stadium, Mualpuia inkhelah mipa team Thenzawl Vengthlang chuan set nga an khelh hnuah Maubawk chu 3-2 in an hneh a, Aizawl khaw pawn aṭanga inlan dang pahnih inkhelah Zawlnuam Vengpui chuan NE Khawdungsei chu 3-0 in an hneh ve bawk.

Hmeichhe huangah Kanan leh Hlimen ten quarterfinal an paltlang a, nizan inkhela chak pahnih nen zanin hian semifinal an khel zui ang - June 2 zanah final khelh zui tur a ni. Mipa semifinal hi June 2-ah khelh tur niin, June 5 zanah nomawi inchuhna a awm ang.

Quarterfinal Results
Mipa
Thenzawl Vengthlang 3-2 Maubawk
 (18-25, 16-25, 25-22, 25-22, 15-12)
Zawlnuam Vengpui 3-0 NE Khawdungsei
 (25-16, 25-18, 26-24)
Hmeichhia
Kanan 3-1 Bethlehem Vengthlang
 (25-19, 25-18, 26-28, 25-23)
Hlimen 3-1 Armed Veng South
 (25-11, 18-25, 25-18, 25-17)