Zaninah League Cup last 16

League Cup last 16 chu zanin hian khelh a ni dawn a, London club pahnih Chelsea leh Arsenal te an inlan dawn. Thomas Tuchel-a hote hian zanin dar 12:15 hian Southampton an mikhual dawn a, Gunners-in Leeds United an mikhual ve bawk ang.

Blues-in Romelu Lukaku leh Timo Werner te awm lo chungin Norwich City 7-0 in an sawp thei a, German manager Tuchel-a'n player ṭha ṭhenkhat awltir pawh ni se Saints lakah chak tura rinkai zawk an ni dawn.

Arsenal-in kartawpah Aston Villa 3-1 in an hneh a, Mikael Arteta hoten European football an khelh loh avangin League Cup an la thutak a nih pawhin a mak lo ang.

Chutihrualin Gunners hian kartawpah Leicester City an hmachhawn dawn a, Arteta-a'n a ṭhat theih dan berin player a rem a rinawm loh. Arsenal khingpui tur Leeds United-in tun season-ah beisei an pha bik lo a, match kuaah point sarih chauh an hmu.

League Cup-ah pawh Marcelo Bielsa hote hian last 16 lut turin penalty shootout hmangin Fulham an hneh hram.