5 Star Ajax

Eredivisie-ah Ajax-in anmahni hnaih bertu PSV chu 5-0 in an sawp a, match 10 khelh aṭanga point 25 hmuin hmahruaitu an ni mek.

Johan Cruyff Arena-a inkhelah Ajax-in a khat mawi tawkin goal an khung. Minute 19-naah Steven Berghuis-a'n bul a ṭan a, second half-ah Sebastian Haller (56'), Antony (66'), Davy Klaassen (76') leh Dusan Tadic (90+2') ten goal khat ṭheuh an khung belh.

Season liam ta khan Ajax hian 88 points hmuin an champion a, pahnihna PSV-in point 72 chauh an hmu. Tun season-ah pawh Erik ten Hag hote an che ṭha a, Champions League match thumah point kua hmuin an group-ah hmahruaitu an ni bawk.