Wolfsburg-in Van Bommel an ban

Bundesliga-ah Wolfsburg-in Inrinni zan khan Freiburg 2-0 in an hneh lo a, Pathianni zan khan German club hian an manager Mark van Bommel an ban.

Dutch manager Van Bommel hian tun season aṭangin Wolsburg hi a enkawl a, match hmasa paliah hnehna chang mah se league match hnuhnung pangaah point khat chauh an hlawh chhuak.

Wolves hian inelna hnuhnung match riatah chak hmel an hmu lo. Van Bommel chuan, "Mak ka ti a, pawi ka ti bawk. Club hi kawng dik ka zawhpui theih hi ka la ring a, club thutlukna hi hriatthiam a har. Chutihrualin ka awm loh hnua an insiamṭhat theih nan duhsakna ka hlan," tiin a sawi.

Wolfsburg hian league match kua aṭangin point 13 an hmu a, pakuanaah an awm mek. Champions League-ah match thum khelh aṭanga point hnih chauh an hlawhchhuah avangin group F mawng-phahah an awm a, knockout stage luh a harsa ang.