Afghanistan-in Scotland an sawp

T20 World Cup-ah Afghanistan-in Scotland chu 130 runs-in an sawp. Scotland hian Cricket World Cup-ah Super 12 an vawi khat khelhna a ni a, cricket ram ṭha elpha tur chuan hmabak an la ngah hle.

Sharjah-ah hian hian Afghanistan-in bat hmasak an thlang a, top order Hazratullah Zazai (44), Mohammad Shahzad (22), Rahmanullah Gurbaz (46) leh Najibullah Zadran (59) te an chet ṭhat over 20-ah 190/4 runs an siam.

Scotland bat hun a thleng a, Afghanistan bowler lakah an thamral. Afghan bowler Mujeeb Ur Rahman (20/5), Rashid Khan (9/4) leh Naveen-ul-Haq (12/1) ten over 10.2 lekah Scotland hi 60 runs chauh siamtirin an vawm hlum vek.

Afghanistan captain Mohammad Nabi chuan, "Khawvelin Rashid leh Mujeeb te ṭhatzia an hria a, bowler ṭha pahnih hi kan chhuang hle," tiin a sawi.

Scotland captain Kyle Coetzer chuan, "Kan tan chuan ni duhawm a ni lo a, chutihrualin Super 12 hi chu a harsa dawn tih kan hria. Inkhel dangah ṭha zawkah khelh kan tum ang," tiin hmabak an la ngah thu a sawi ve bawk.