Tsitsipas leh Zverev an tlang

Stefanos Tsitsipas-a'n set point vawi thum a inchhanhim hnuah Grigor Dimitrov chu 7-6 (6), 6-4 in a hneh hram a, harsa takin Vienna Open last 16 a inhlangkai - a match lehpekah chuan Frances Tiafoe a hmachhawn leh ang.

Tsitsipas leh Dimitrov an inkhel tawk a, set hmasa zawkah phei chuan Bulgarian star zawk a dingchang ngei dawn niin a lang hman. Mahse, seeded pakhatna hian a pawt thla thei, set hnuhnung zawkah chuan match point hmasa chhawr lo mah se a hnuhnung zawkah a tlang a ni.

World number 3 Tsitsipas a hmachhawn leh tur Frances Tiafoe hian inkhel dangah Dusan Lajovic 6-4, 6-4 chu in a lo hneh ve bawk. Player pahnih an intawn hnuhnung chu Wimbledon kha a ni a, Tiafoe hian Tsitsipas hi straight set hmangin a hneh.

Inkhel dangah Alexander Zverev pawh set hnihnaah 5-2 in a hniam zawk hman, mahse German star hi huaisen taka tho chhuak lehin Filip Krajinovic chu 6-2, 7-5 in a hneh - ani hian quarterfinal thleng turin Alex De Minaur a hneh leh a ngai dawn a ni.

ATP Finals khelh phak beisei zinga mi Casper Ruud leh Cameron Norrie te pawhin an khingpui an hneh a, tun inelnaah hian an thleng sang a nih chuan season tawpa a thiam pariatin an khelh tura inlan turin an dinhmun an sawhnghet thei ang.