Australia khingpui tur Sri Lanka

Zanin dar 7:30 hian Australia-in T20 World Cup-ah Sri Lanka an hmachhawn dawn. Aussies hian an match hmasa berah South Africa an hneh a, Lions pawhin Bangladesh an hneh ve tawh bawk.

Australian batsman Steve Smith chuan, "Ka hna hi tun hma nen chuan a danglam hret. Top order-te an chesual a nih chuan, ka hna chu a siamrem hna thawh a ni.

"Chutihrualin top order-te an che ṭha a nih chuan ka tawlh thla hret ang a, batsman dangin run siam tumin an vaw chhunzawm ang," tiin a sawi.

Kum 32 mi Smith hi South Africa an hneh ṭum khan palinaah an awm a, 35 runs a siam. Sri Lanka lakah pawh hian palina aia hmaah chuan an awm lo ang.