Substitute panga siam theih dawn

Premier League khelh chhunzawm tur atan match khata substitute siam theih zat chu tihdanglam a ni a, dan pangngaia a tam bera player pathum inthlak thei chu player pangaah tihsan a ni. 

Football dan siamtu International Football Association Board (IFAB) chuan squad-a substitute player pasarih chiah awm thei chu pakuaa tihsan an phalsak bawk a, hei hi player inhliam tam lutuk tur ven nana tih a ni ber. 

Club-te hian player panga thlak thei mah se substitution erawh a dan pangngai ang thoin vawi thum bak siam a rem dawn lo a, hei hi inkhel ti khawtlai leh muang zawnga harsatna a thlen loh nana tih a ni.