Mumang rama cheng Namibia

Namibia-in T20 World Cup first round an paltlang hnuin Super 12-a an match hmasa berah Scotland chu wicket liin an hneh a, an tan chuan chanchin duhawm bik a ni. Eagles (Namibia sawina) hi tun ṭum World Cup khel zingah ranking hniam ber an ni a, tun hmain T20 emaw ODI emawah chak an la nei ngai lo.

Kumin World Cup-ah erawh Namibia hian first round-ah Ireland leh Netherlands hnehin first round an paltlang a, Super 12-ah chanchin duhawm an nei zui. Abu Dhabi-ah Eagles hian vawm hmasak an thlang a, Ruben Trumpelmann (17/3) chet ṭhat zarah Scotland hi over 20-ah 109/8 runs chauh an siamtir.

Namibia hian awlsam takin hnehna an la chang chuang lo a, over tawp ber ball hmasa berah JJ Smit-a'n six runs vuain 115/6 runs an siam a, wicket liin hnehna an chang. Eagles hian tun World Cup-ah hnehna pawh chang tawh lo mah se an thlen chin hi a ropui hle.