Halep leh Kontaveit chak nuamsa

Simona Halep chuan Nilaini zan khan Elena-Gabriela Ruse chu 6-1, 6-2 a hnehin Transylvania Open-a a match hmasa berah a khel ṭha hle, set hnih an khelh chhungin game thum chiah a hloh a ni.

Ruse hian season a hmang ṭha viau. July thla khan Hamburg-ah tennis a khelh hun chhunga a nomawi hmasa ber a chawi a, a hnuah Palermo Open khelin final a lut, mahse tunah erawh tawnhriat nei ṭha zawk Halep lakah a che thei lo.

Inkhel dangah seeded pahnihna Anett Kontaveit chuan Aleksandra Krunic chu 6-3, 7-5 in a hneh a, tun hnaiah a zawnin match 11 chhung hnehna a chang tling ta chiah. Lesia Tsurenko leh Jacqueline Cristian te pawhin an khingpui hnehin round sang zawk an lut ve bawk.