Sindhu chak laiin Saina a tla

Indian badminton player PV Sindhu leh Lakshya Sen ten French Open-ah hnehna an chang a, hetih lai hian Saina Nehwal leh Kidambi Srikanth te erawh an zinkawng a tawp nghal thung.

Olympic medal vawi hnih la tawh Sindhu hian Denmark nula Julie Dawall Jakobsen chu 21-15, 21-18 in a hneh. London Olympics bronze medallist Saina erawh Sayaka Takahashi nen an inkhel a, 11-21, 2-9 a nih laiin a khel bawr hliam vangin a khel chhunzawm thei lo.

Seeded pathumna Sindhu hian a match lehpekah chuan Denmark nula tho Line Christophersen a hmachhawn leh ang.

Men's singles lamah Lakshya chuan Nhat Nguyen 21-10, 21-16 in a hneh a, a hmabak chu Loh Kean Yew a ni dawn. Srikanth erawhin result ṭha a nei thei lo, darkar khat leh minute 19 an inkhelh hnuin Kento Momota chu 18-21, 22-20, 21-19 in a ngam lo.