Quarterfinal-ah Raducanu a lut

Emma Raducanu chuan Transylvania Open khelh laiah quarterfinal a in vaw kai. Britain tleirawl hian last 16 inkhelah a khingpui Ana Bogdan chu 6-3, 6-4 in a hneh a, harsatna lian tham a tawk lo.

Transylvania Open hi Romania rama khelh a ni a, Raducanu-i pa Ian Raducanu pianna ram a ni. A pa hian a hmunah a fanu inkhel hi a ṭawiawm thei a, an chhungkaw tan chuan chanchin lawmawm bik a ni.

Kum 18 mi Raducanu chuan, "Tunah chuan chhungte nena hnehna chan hlutzia chu ka hre ve ta, ka pa hi a zin chhuak tam lo, mahse tun ṭum chu hun hlu bik a nih avangin a hmaih phal bik lo," tiin a pa chungchang a sawi lang.

US Open-ah khan hri leng inkaihhruaina vangin Raducanu hi a pain a hmunah a ṭawiawm thei lo. New York khawpuiah zin thei lo mah se tunah chuan hri leng a ziaawm tawh a, a ṭul a nih chuan a fanu inkhel hi a en thei zauh zauh tawh dawn.