PV Sindhu a kaltluang

India badminton star PV Sindhu chuan harstana lian tham tawk loin French Open quarterfinal a in vaw kai. Ningani zan inkhelah Sindhu hian Line Christophersen chu straight game hmangin a hneh.

Seeded pathumna Sindhu hian a tir aṭangin inkhel a thunun hneh viau, minute 37 chhung lekin world number 24 Christophersen hi 21-19, 21-9 in a hneh. World champion ni lai hian a match lehpekah chuan seeded pariatna Busanan Ongbamrungphan a hmachhawn leh ang.

Olympic medal pahnih la tawh Sindhu hi Tokyo 2020 zawh hnuah khan a chawl vang vang a, tournament a khelh loh lai pawhin training chu a nei reng thung; tun hnaiah lo kir lehin result ṭha a nei chhunzawm a ni.

India player dang Satwiksairaj Rankireddy leh Chirag Shetty te ṭangdun pawh mipa doubles lamah an la chak. Indian duo hian anmahni ang bawka Indian player MR Arjun leh Dhruv Kapila te chu 15-21, 21-10, 21-19 a hnehin quarterfinal an lut ve bawk.

Rankireddy leh Shetty te inkawp hian Malaysian pair Aaron Chia leh Soh Wooi Yik te an hmachhawn leh dawn a, an khingpui tur hi seeded palina an nih phak avangin a awlsam dawn lo.

Men's singles player Sourabh Verma erawh a chak lo. Verma hi Japanese tlangval Kenta Nishimoto lakah 12-21, 9-21 a chak loin second round-ah a zinkawng a tawp.