Golden State an chak lo

NBA regular season kal laia a vawi khat nan Golden State Warriors chu an chak lo. Over time an khelh hnuah Golden State hi Memphis Grizzlies lakah 104-101 in an tlawm a, 100% chak record an neih lai chu a tawp.

GSW tan Stephen Curry-a'n point a nei hnem leh ber, mahse point 36 a neih chu team chakpui nan a tawk zo lo; vawi nga ngawt turnover a neih bakah quarter hnuhnung berah a kut a hmui tawk lo, a tawpah an tuar.

Inkhel dangah Chicago Bulls pawh an chak lo. GSW anga a zawna vawi li chak tawh Bulls hi New York Knicks lakah 104-103 in an tlawm ve bawk a, basketball inelna sang berah hian Utah Jazz chauh chu tlawm loa la kaltluang thei an ni ta.

NBA Results
Golden State Warriors 101 - 104 Memphis Grizzlies
Philadelphia 76ers 110 - 102 Detroit Pistons
Dallas Mavericks 104 - 99 San Antonio Spurs
Washington Wizards 122 - 111 Atlanta Hawks
Utah Jazz 122 - 91 Houston Rockets
Philadelphia 76ers 110 - 102 Detroit Pistons