Martinez tan contract thar

Inter Milan chuan an striker ṭha Lautaro Martinez chu contract thar ṭha leh mawm zawk an zawrh a, tunah chuan kum 2029 theng daih turin inremna an ziak fel ta - Inter tan chanchin lawmawm a ni ang.

Martinez hian San Siro-ah contract a nei rei tawh bik lo, thla 17 daih vel chauh a nei tawh. European club lian dangte chil ti puttu a ni a, hmun dang aṭanga sawmtu a neih ve reng avangin Inter tan contract thar ziahpui vat hi tih makmawh a ni.

Argentina interna-tional Martinez chuan, "Hun rei zawk cham tura contract ka ziak thei hi ka lawm. Nerazzurri fans min thlawp tlattute chungah ka lawm a, anni ho nen hian hlawhtlinna pawh kan chan leh ngei ka beisei," tiin a sawi.

Martinez hian 2018 khan Argentine club Racing Club aṭangin Inter hi a zawm. Italian club tan hian inelna hrang hrangah match 144 a khelh aṭangin goal 54 a khung tawh, season hmasa khan Serie A nomawi a chawipui a, kum 10 hnua an hlawhtlin lehna hmasa a nih avangin a hlu hle.

Serie A champion Inter Milan hian Pathianni tlai dar 5:00 hian San Siro-ah Udinese an mikhual ang.