Thla hnih hnuah inkhel zo!

Nice leh Marseille ten Ligue 1 match an khelh ṭumin buaina a chhuak a, an inkhel zo thei lo. Thla hnih chuang a liam hnuin Ningani zan khan an khel chhunzawm a, team pahnih hi 1-1 in an inhnehtawk.

Inkhelah hian Nice tana Amine Gouiri goal khung chu Dimitri Payet-a'n a sut a, goal dang luh belh loin point khat ve ve in an insem. An intawn hmasak ṭum hian fans lamin buaina an siam vangin an khel zo thei lo.

Marseille coach Jorge Sampaoli chuan, "Point insem hi result inhmeh tak a ni," tiin a sawi a, Nice coach Christophe Galtier erawhin point thum an hmu lo chu pawi a tih thu a sawi ve thung.