Magpies-in Werner an duh!

Club hausa thar Newcastle United chuan Chelsea striker Timo Werner an duh nia sawi a ni a, German striker buaipuitu Sports360 hi Newcastle defender Fabian Schär-a agent te tho an nih avangin Magpies hian beiseina an nei sang nia sawi a ni.

RB Leipzig striker 'hot' tak ni ṭhin Werner hian England a pan hnuah beisei angin a la khel chhuak thei lo. Season hmasa khan Blues tan inelna hrang hrangah match 52 khelin goal 12 a khung a, tun season-ah match 10 khel tawhin goal hnih chiah a la khung bawk.

Mahse, German coach Thomas Tuchel-a'n Werner hi a striker thar Romelu Lukaku nen an khelh dun theih dan tur a ngaihtuah reng a, a chhuah phal kher lo mai thei - tun dinhmunah erawh striker pahnih hi hliam vangin an chawl mek a, zanin dar 7:30-a Newcastle United an lenchilh hunah an inlan thei dawn lo.

Chutihrual chuan hliam vanga chawl Chris-tian Pulisic, N’Golo Kante, Andreas Christensen leh Cesar Azpilicueta te chuan club training an zawm leh tawh a, Tuchel-a'n a duh chuan a chhawr thei ang.