Milan-ah Kjaer a nghet

AC Milan defender Simon Kjaer chuan season thum daih contract a ziak thar a, tun dinhmunah kum 32 mi a nih tawh avangin a vanglai hun chu San Siro-ah a hmang zo dawn ta niin a lang.

Denmark international Kjaer-a contract neih lai hi season thar tawp ruala zo tur a ni, tawnhriat nei ṭha leh player naupang zawkte ho khawm thiam a nih avangin Milan tan ani chelh theih hi chanchin lawmawm a ni.

Ballon d'Or dawng thei tur chhawpchhuah zinga mi Kjaer chuan, "Milan hi club lian leh hlun a ni a, hun rei zawk atana inremna kan nei thei hi ka lawm," a ti a, a club lam pawhin contract a ziah vanga an lawm thu an sawi ve bawk.

Kjaer khelhna Milan hi Serie A-ah pahnihna an ni mek a, Pathianni zan dar 1:15 hian AS Roma mualah inkhel pawimawh bik hmachhawn turin an zin lut ang.