Bayern player-ten ngaihdam an dil

Bayern Munich-in DFB Pokal-ah Borussia Monchengladbach 5-0 in an hneh lo a, mualpho takin German Cup aṭangin an tla. Bavarians player-te chuan Gladbach laka an khelh dan avangin fan-te chungah ngaihdam an dil.

Kum 32 mi Thomas Muller chuan, "Sawi tur pawh ka la hre lo. Bayern khelh dan tur a ni lo a, min ṭantute chungah ngaihdam kan dil. Chutihrualin profes-sional kan nih avangin a ṭha lo lai kan dah bo a ṭul a, kan inkhelh leh tur atana kan inbuatsaih a ngai," tiin an khelh dan a lungawi thlak loh thu a sawi.

Bayern player pawimawh dang Manuel Neuer leh Robert Lewandowski te pawhin Gladbach laka an khelh dan chu hriatthiam harsa an tih thu an sawi ve bawk. Bavarians hian zanin dar 7:00 hian Union Berlin hmachhawn turin Alte Forsterei an tlawh dawn a, insiamṭhat ngei an tum dawn a ni.