Panama squad an puang chiang
A vawi khat nana World Cup khel tur Panama chuan Russia-a an hruai tur player 23 hming an puang chiang ta a, Major League Soccer khel player paruk an tel.
New York Red Bulls defender Fidel Escobar leh Michael Murillo te chu hming langsar an ni a, ram tana vawi khat chiah la inlan midfielder Jose Luis Rodriguez pawh a tel.
Panama hi tun dinhmuna FIFA ranking-ah 55-na an ni mek a, World Cup-ah chuan Group C-ah Belgium, England leh Tunisia te nen an awmkhawm. An match hmasa ber atan June 18 hian Sochi-ah Belgium nen an inkhel ang.
Panama coach Hernan Dario Gomez hian an ram Colombia chu 1998 World Cup-ah a hruai thleng tawh a, a hnuah Ecuador chu a tlin pui leh bawk. Tun hma lama World Cup la khel ngai lo Pannama tan thil lawmawm bik a thlentir leh tawh a, Russia-ah pawh beiseina sang tak nen an inlan dawn a ni.
Panama squad
Goalkeepers: Jaime Penedo (Dinamo Bucarest), Jose Calderon (Chorrillo), Alex Rodriguez (San Francisco).
Defenders: Felipe Baloy (Municipal), Harold Cummings (San Jose Earthquakes), Eric Davis (Dunajska Streda), Fidel Escobar (New York Red Bulls), Adolfo Machado (Houston Dynamo), Michael Murillo (New York Red Bulls), Luis Ovalle (Olimpia), Roman Torres (Seattle Sounders).
Midfielders: Edgar Barcenas (Cafetaleros de Tapachula), Armando Cooper (Universidad de Chile), Anibal Godoy (San Jose Earthquakes), Gabriel Gomez (Atletico Bucaramanga), Valentin Pimentel (Plaza Amador), Alberto Quintero (Universitario), Jose Luis Rodriguez (Ghent).
Strikers: Abdiel Arroyo (Alajuelense), Ismael Diaz (Deportivo La Coruna), Blas Pérez (Municipal), Luis Tejada (Sport Boys), Gabriel Torres (Huachipato).