Xhaka khup a hliam

Arsenal midfielder Granit Xhaka chu World Cup khel tura ruah sur hnuaia an inbuatsaihna lamah a khup a hliam, Switzerland international hi Russia-ah a inlan ngei dawn em tih a chiang ta lo.

Kum 25 mi Xhaka hi Ningani khan a teammate nen an intauh palhna lamah a hliam a, damdawi inah hruai nghal niin zanina Spain nen friendly match an khelh turah a inlan thei dawn lo a ni.

Swiss team doctor Pierre Etienne Fournier chuan, "A khup a hliam a, a chawlh rih chu a ngai dawn," a ti. he thu buatsaih lai thleng chuan Swiss FA-in an midfielder dinhmun hi chiang takin an la puang thei rih lo a, Russia a pan dawn lo tih ngawt theih a la nih loh thu an sawi thung.

Switzerland hi Group E-ah vawi nga champion tawh Brazil, Serbia leh Costa Rica te nen an awm khawm a, an match hmasa ber atan June 17 hian Tite-a enkawl Brazil nen an inkhel ang.