Jeho-a a champion

Aizawl District Table Tennis Season Opening & Ranking Tournament 2018 chu June 2 khan Mizoram Table Tennis Hall, Mission Vengah final khelh a ni a, mipa singles inelna huangah Jeho Himnakulhpuingheta chuan Alberto LR Ruata hnehin a champion. Overall Champion chu Teachmaze Table Tennis Club an ni thung.

Tournament-ah hian Aizawl district huam chhunga inziak lut club 11 Zote, Synod Higher Seconday School, Tuikhuahtlang, Techmaze Shinlin, Bethlehem Vengthlang, Mission Vengthlang, Dawrpui Vengthar Sporting Club, MRP, Damveng leh Chhinga Veng aṭangin player 138 an fuan khawm.

Inelnaah hian Mizo Table Tennis player zinga national leh international khel pha Jeho Himnakulhpuingheta, Alberto L R Ruata, Lalhunhlua leh John Zamliana te an inlan. Category hrang hrang 12–cadet boys, sub-junior, junior, men's & women's, above 35, team leh mixed doubles ah te inelna neih a ni.

India number 1 Jeho-a chuan, "District inelna mah ni se a level a hniam lo, player ṭha inlan an tam a, inelna lian kan hmachhawn ṭhenkhat nen a danglam tam lo," tiin tualchhung TT in hma a sawn thu Vanglaini a hrilh.