Zawlnuam leh Muanna Vengin final lut

LBS Suzuki 21st Inter Branch YMA Volleyball Tournament-ah mipa semifinal chu Zirtawpni zan khan R. Dengṭhuama Hall, Mualpuiah khelh a ni a. Zawlnuam leh Muanna Veng ten an khingpui Thenzawl Vengthlang leh Hunthar 3-1 ve ve a hnehin final an lut. Mipa final hi naktuk zan dar 8:00 hian khelh a ni ang.

Semifinal hmasa zawkah Thenzawl Vengthlangin bul an ṭan ṭha a, 25-11 zeta set khatna an lak avangin chak turah an inngai hman. Amaherawhchu, CYMA Volleyball-a vawi khat telna Zawlnuam thawhhona a ṭha a, Pro Volleyball season thumnaa best player Lalramnunfela'n danglamna a thlen.

Thenzawlin Ramnunfela an ngam lo a, team pumpui thlirin ṭha zawk angin lang mah se Zawlnuamin set khatna an hloh hnuah set thum an la zawn. Team pahnihin ṭawiawmtu an nei ṭha a, hei hian inkhel hmuhnawmna a belhchhah bawk.

Semifinal pahnihnaa Muanna Veng leh Hunthar inkhel a hmuhnawm a, Muanna Veng ṭantute awmze neiin an zai rual dual a, team chakna hnarah a ngaih theih.

Huntharin set hmasa ber an la a, Muanna Veng an che ṭha chhunzawm. Muanna Veng tan Pro Volleyball-a TNT tana khel Sedrak-a, Lallungmuana leh Vanlalchhantluanga te an pawimawh a. Captain Sedraka-a'n chakna point a vaw dik a, man of the match-ah thlan a ni bawk.

Thlirna Tawi
Zawlnuam 3-1 Thenzawl Vengthlang
11-25, 25-20, 25-22, 25-22
MoM : Lalramnunfela, Zawlnuam
Muanna Veng 3-1 Hunthar
16-25, 25-13, 25-12, 25-20
MoM : Sedraka, Muanna Veng