Thlan zingah Hernandez leh Marquez

Nimin khan Mexico-in World Cup khel tur player 23 an puang a, West Ham striker Javier Hernandez leh kum 39 mi Rafael Marquez te an tel.

Kum 30 mi Chicharito chauh hi Juan Carlos Osorio hote zinga Premier League-a khel awmchhun a ni a, Manchester United striker hlui tan kumin hi World Cup vawi thum khelhna tur a ni.

Barcelona defender hlui Marquez chu squad-ah a awm bawk a, ani hi damdawi tawlh vanga a hming hliau chungin World Cup khel tura koh tel a ni tho. Marquez hi centre back leh sweeper bakah defensive midfielder thlenga chhawr theih a ni a, Asia-in World Cup a thlen hmasak ber ṭum kum 2002 aṭanga inlan ṭan tawhin kumin hi vawi nga a inlanna tur a ni.

Mexico hi group F-ah Germany, Mexico, Sweden leh South Korea te nen an awm ho a, June 17 hian an matc hmasa berah champion lai Die Mannschaft nen an inhma-chhawn ang.

Mexico Squad
Goalkeepers:
Guillermo Ochoa (Standard Liege), Alfredo Talavera (Toluca), Jesus Corona (Cruz Azul).
Defenders:
Carlos Salcedo (Eintracht Frankfurt), Diego Reyes (Porto), Hector Moreno (Real Sociedad), Hugo Ayala (Tigres), Edson Alvarez (America), Jesus Gallardo (Monterrey), Miguel Layun (Sevilla).
Midfielders:
Rafael Marquez (Atlas), Hector Herrera (Porto), Jonathan Dos Santos (LA Galaxy), Giovani Dos Santos (LA Galaxy), Andres Guardado (Real Betis), Marco Fabian (Eintracht Frankfurt).
Forwards:
Javier Hernandez (West Ham), Raul Jimenez (Benfica), Oribe Peralta (America), Jesus Manuel Corona (Porto), Carlos Vela (Los Angeles FC), Javier Aquino (Tigres), Hirving Lozano (PSV Eindhoven).
Stand By: Erick Gutierrez (Pachuca).