Champion lai Windies tan beiseina

T20 World Cup champion lai West Indies chuan Zirtawpni khan Bangladesh chu run thumin an hneh hram a, semifinal luh an beisei zel.

Sharjah Cricket Stadium-ah Bangladesh-in vawm hmasak an thlang a, Windies-in Nicholas Pooran (40), Roston Chase (39) leh Jason Holder (15*) te hmangin 142/7 runs an siam. Top order chet chhiat hnua Pooran rawn che ṭha hi Windies beiseina siamtu a ni.

Bangladesh tan Shakib Al Hasan-a'n run kua chauh a siam a; Liton Das (44), Mahmudullah (31), Mohammad Naim (17) leh Soumya Sarkar (17) te che chhe lo mah se over 20-ah 139/5 an siam.

Over tawp ber boruak a sang a, Bangladesh captain Mahmudullah-a'n ball tawp berah four vaw chhuak se chak thei tur an ni. Mahse Windies bowler Andre Russel-a'n run a siam tir lo a, hnehna hlu tak an chang.

Windies hian Sri Lanka leh Australia te an la hmachhawn dawn a, an chak ve ve a nih chuan group 1 aṭanga semifinal luh theih dan a awm.