A vawi khat nan Jazz an tlawm

NBA regular season kal laiah Utah Jazz chu a vawi khat nan an tlawm. Nimin zing inkhelah Jazz hi Chicago Bulls lakah 107-99 in an chak lo. A zawna match li chak thei Jazz an tlawm takah chuan NBA team zingah 100% chak record nei an awm ta lo.

Bulls tan point 32 neitu DeMar DeRozan a thawh hlawk, inkhel tir lamah point 17 zetin hnufual hman mah se quarter hnuhnung ber an khelh zawh meuh chuan point riat ngawtin an sang fal leh hman.

Jazz hian 2006-07 season hnua kum bul an ṭan fuh leh ber ṭum an tawng a, tun ṭumah pawh hian chak tura rinkai an ni. Mahse, anmahni ang bawka team hmuhnawm Bulls lakah an ṭang tlang zo ta lo.

Inkhel dangah Golden State Warriors chuan Oklahoma City Thunder chu 103-82 in an hneh. Stephen Curry awmna GSW hi an match hmasa lamah chak lo zauh mah se an insiamṭha nghal, tunah chuan season kal laia a vawi nga nan hnehna an chang.