Chak zo lo India tan beisei a awm

AFC Under-23 Asian Cup 2022 qualifier-a an match hnuhnung berah India chuan 0-0 in Kyrgyzstan an inhnehtawkpui a, United Arab Emirates-in 2-0 a Oman an hneh avangin an dinhmun erawh a chiang lo.

Group tin aṭangin hmahruaitu chiah chu Uzbekistan-a inelna neih tura tling chiang an ni a, group E aṭangin point ruk hmutu UAE an tling - group 10 aṭanga pahnihna ti ṭha pali an tling leh dawn bawk.

India hi Kyrgyzstan nen point li ve ve an nei a, goal difference thlenga an intluk avangin penalty hmangin pahnihna tur an zawng.

Mizo tlangval Lalengmawia'n a khelh tluanna inkhela penalty-ah hian 4-2 in India an chak a, Rahul KP, Rohit Danu, Suresh Singh leh Rahim Ali ten pet goal-in Asish Rai chuan a hlah thung - India tan Dheeraj Singh chuan penalty vawi hnih a dang a, India a chakpui tiin a sawi theih.

Penalty-a chak vangin India hi pahnihna an ni - mahse, group dangin inelna an la zawh loh avangin pahnihna ti ṭha pali zinga an tel phak leh phak loh erawh a hriat theih loh thung - point li an neih avangin nakkum June-a neih tur inelnaah hian tel chance erawh an nei sang hle.